---
title: "കണ്ണൂരിൽ ഐഎൻടിയുസി മണ്ഡലം സെക്രട്ടറിയുടെ വീടിന് മുന്നിൽ റീത്ത് ; സമഗ്ര അന്വേഷണം ആവശ്യപ്പെട്ട് കരീം ചേലേരി"
english_title: "Wreath Found Outside INTUC Leader Sahajas House in Puthiyatheru, Muslim League Protests"
publisher: "panoornews.in"
canonical_url: "https://panoor.truevisionnews.com/news/373438/Wreath Found Outside INTUC Leader Sahajas House in Puthiyatheru, Muslim League Protests"
published_at: "2026-07-20T09:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5d9c831eb3c_1001330491.jpg"
keywords: []
---

# കണ്ണൂരിൽ ഐഎൻടിയുസി മണ്ഡലം സെക്രട്ടറിയുടെ വീടിന് മുന്നിൽ റീത്ത് ; സമഗ്ര അന്വേഷണം ആവശ്യപ്പെട്ട് കരീം ചേലേരി

> **Lead Summary:** കണ്ണൂർ :ഐഎൻടിയുസി മണ്ഡലം സെക്രട്ടറി സഹജാസിന്റെ വീടിന് മുന്നിൽ റീത്ത് കണ്ടെത്തിയ സംഭവത്തിൽ പ്രതിഷേധം ശക്തമാകുന്നു.

## Article Content

കണ്ണൂർ :ഐഎൻടിയുസി മണ്ഡലം സെക്രട്ടറി സഹജാസിന്റെ വീടിന് മുന്നിൽ റീത്ത് കണ്ടെത്തിയ സംഭവത്തിൽ പ്രതിഷേധം ശക്തമാകുന്നു.

ഇന്ന് രാവിലെ ഉറങ്ങി എഴുന്നേറ്റ് വാതിൽ തുറന്നപ്പോഴാണ് വീടിന് മുന്നിൽ റീത്ത് വെച്ചിരിക്കുന്നത് സഹജാസ് കണ്ടത്. സജീവ കോൺഗ്രസ് പ്രവർത്തകനും മുൻ യൂത്ത് കോൺഗ്രസ് മണ്ഡലം പ്രസിഡന്റുമാണ് സഹജാസ്.

സംഭവം വിവരമറിഞ്ഞ് ഇന്ത്യൻ യൂണിയൻ മുസ്ലിം ലീഗ് കണ്ണൂർ ജില്ലാ പ്രസിഡന്റ് അഡ്വ. അബ്ദുൾ കരീം ചേലേരി സഹജാസിന്റെ വസതിയിലെത്തി കുടുംബത്തെ സന്ദർശിച്ചു.

റീത്ത് വെച്ചത്ഹജാസിനെയും കുടുംബത്തെയും മാനസികമായി ഭീഷണിപ്പെടുത്താനും ഭയപ്പെടുത്താനുമുള്ള ശ്രമാണെന്ന്അ ദ്ദേഹം ആരോപിച്ചു. ഇത്തരം നടപടികൾ ജനാധിപത്യ സമൂഹത്തിന് യോജിച്ചതല്ലെന്നും കുറ്റക്കാർ ആരായാലും നിയമത്തിന് മുന്നിൽ കൊണ്ടുവരണമെന്നും കരീം ചേലേരി ആവശ്യപ്പെട്ടു.

സന്ദർശന വേളയിൽ കുടുംബത്തിന് പൂർണ പിന്തുണ പ്രഖ്യാപിച്ചു. ജില്ലാ ലീഗ് സെക്രട്ടറി ബി.കെ. അഹമദ്, ഗ്രാമ പഞ്ചായത്ത് മെമ്പർ പി. സജീവൻ എന്നിവരും ഒപ്പമുണ്ടായിരുന്നു.

സംഭവത്തിൽ പോലീസ് സമഗ്രമായ അന്വേഷണം നടത്തി ഉത്തരവാദികളെ ഉടൻ കണ്ടെത്തണമെന്ന് മുസ്ലിം ലീഗ് നേതാക്കൾ ആവശ്യപ്പെട്ടു. നിയമവിരുദ്ധമായ ഇത്തരം ഭീഷണികൾക്കെതിരെ ശക്തമായ നടപടി വേണമെന്നും അവർ കൂട്ടിച്ചേർത്തു.

### Related Links & Sources
- [Original Story Source](https://panoor.truevisionnews.com/news/373438/Wreath Found Outside INTUC Leader Sahajas House in Puthiyatheru, Muslim League Protests)